రోజూ ఇంట్లో ఒకే రకమైన వంటలు అని, ఏదైనా కొత్తగా నేర్చుకుని ట్రై చేయాలనిపిస్తుందా.. అయితే ఖచ్చితంగా ఈ రెసిపీ మీ కోసమే. ఈ ఆర్టికల్ యందు అదిరిపోయే కాకరకాయ బజ్జి రెసిపీ ఎలా తయారుచేయాలో ఇక్కడ తెలుసుకుందాం.
కాకరకాయ బజ్జి తయారీకి కావాల్సిన పదార్దాలు
- కాకరకాయలు - నాలుగు
- ఉప్పు - సరిపడా
- పియ్యం పిండి - రెండు స్పూన్స్
- శెనగపిండి - నాలుగు స్పూన్స్
- జొన్నపిండి - రెండు స్పూన్స్
- నూనె - వేయించటానికి సరిపడా
- కారం - తగినంత
- పసుపు - పావు స్పూన్
- ధనియాలపొడి - ఒక స్పూన్
- జీరా - అరా స్పూన్
- ఇంగువ - కొద్దిగా
- వంటసోడా - కొద్దిగా
కాకరకాయ బజ్జి తయారీ విధానం
ముందుగా కాకరకాయలు శుభ్రంగా క‌డిగి త‌డి లేకుండా చేసుకోవాలి. తర్వాత కాకరకాయలను సన్నగా చక్రాలుగా కట్ చేసి ఒక ప్లేట్ లోకి తీసుకుని ఒక గంటపాటు ఆరబెట్టుకోవాలి. ఇప్పుడు ఒక గిన్నెలో శ‌న‌గ పిండి, బియ్యం పిండి, జొన్న పిండి, పసుపు, కారం పొడి, ఇంగువ, వంటసోడా, ధనియాలపొడి, సరిపడా ఉప్పు, తగినంత నీళ్ల‌ను పోసి బజ్జిపిండి మాదిరిగా జారుగా కలుపుకోవాలి. మరీ పల్చగా, మరీ చిక్కగా కాకుండా కలుపుకోవాలి.
ఇప్పుడు స్టవ్ ఆన్ చేసి ఒక పాన్‌లో నూనె వేయాలి. నూనె వేడయ్యాక ఒక్కో కాకరకాయ ముక్కను ముందుగా కలుపుకున్న శ‌న‌గ పిండి మిశ్ర‌మంలో ముంచి నూనెలో వేసి ఎర్రగా వేయిస్తే సరిపోతుంది. కరకరలాడే కాకరకాయ బజ్జిలు సిద్ధ‌మ‌వుతాయి. అన్ని ఆలా వేయించుకున్నాక ఒక ప్లేట్ లోకి తీసుకోవాలి. అంతే రుచిగా క‌ర‌క‌ర‌లాడుతూ ఉండే స్ట్రీట్ స్టైల్ కాకరకాయ బజ్జి రెడీ అయినట్లే.
కాకరకాయ బజ్జిలో లభించే పోషకాలు, ప్రయోజనాలు
కాకరకాయలో కేలరీలు తక్కువగా ఉంటాయి మరియు ఫైబర్ అధికంగా ఉంటుంది, ఇది శరీర బరువును తగ్గించడంలో సహాయపడుతుంది. విటమిన్స్ , ఫోలేట్, జింక్, ఇనుము మరియు పొటాషియం చేదులో ఉంటాయి, ఇది పిండంలో నాడీ పెరుగుదల మరియు అభివృద్ధి సమయంలో ఉపయోగపడుతుంది.
కాకరకాయలు రక్తంలో చక్కెర స్థాయిలను నియంత్రించడంలో సహాయపడవచ్చు. కాకరకాయలో మధుమేహం ఉన్నవారిలో రక్తంలో చక్కెర స్థాయిలను తగ్గించే సమ్మేళనాలు ఉన్నాయి. కాకరకాయ మంటను తగ్గించడంలో సహాయపడవచ్చు. కాకరకాయ యాంటీఆక్సిడెంట్లకు మంచి మూలం, ఇది శరీరంలో మంటను తగ్గించడంలో సహాయపడుతుంది.
రోగనిరోధక శక్తిని పెంచడంలో సహాయపడవచ్చు. కాకరకాయ విటమిన్ సి యొక్క మంచి మూలం, ఇది రోగనిరోధక పనితీరుకు ముఖ్యమైన పోషకం. గుండె ఆరోగ్యాన్ని మెరుగుపరచడంలో సహాయపడవచ్చు. కాకరకాయ కొలెస్ట్రాల్ స్థాయిలు మరియు రక్తపోటును తగ్గించడంలో సహాయపడుతుంది. అలాగే బరువు తగ్గడాన్ని ప్రోత్సహించడంలో సహాయపడవచ్చు. కాకరకాయ అనేది తక్కువ కేలరీల ఆహారం, ఇందులో ఫైబర్ అధికంగా ఉంటుంది, ఇది సంపూర్ణత్వం యొక్క భావాలను ప్రోత్సహించడానికి మరియు మొత్తం కేలరీల తీసుకోవడం తగ్గించడానికి సహాయపడుతుంది.
